خه‌یار و ته‌ماته فرۆشتن و نه‌وتفرۆشتنه‌كه‌ی ئه‌مان
#به‌رهه‌م_عومه‌ر
نێچیرڤان بارزانی، رۆژی 28/5/2014 كاتێك له‌گه‌ڵ د. ئاشتی هه‌ورامی، وه‌زیری سامانه سروشتیه‌كان، سه‌ردانی په‌رله‌مانی كوردستانی كرد و له‌به‌رده‌می كامێرادا وتی: له به‌غدا وه‌ك سوكایه‌تى به كورد و حكومه‌تى هه‌رێم، به‌رپرسانى به‌غدا پێیان وتین؛ كاكه ئێوه نازانن نه‌وت بفرۆشن، چونكه فرۆشتنى نه‌وت وه‌ك فرۆشتنى خه‌یار و ته‌ماته نییه.
هه‌روه‌ها به ته‌وسه‌وه وتی: بۆ وه‌ڵامدانه‌وه‌ى ئه‌و قسه‌یه ئێمه ده‌ستمان كرد به فرۆشتنى نه‌وتى هه‌رێم، بۆ ئه‌وه‌ى بۆ به‌غداى بسه‌لمێنین كه ده‌توانین به باشترین شێوه ئه‌و كاره بكه‌ین.
خاوه‌نی ئه‌م جۆره به‌ڵێنه درۆینه‌یه، هه‌رگیز ناتوانێت شانازی ئه‌وه بكات؛ كه بتوانێت ته‌ماته فرۆشێكی سه‌ركه‌وتو بێت، چونكه ده‌ستی كه‌شف بووه، عه‌ره‌بانچی جێگای شانازی كه‌سوكار و خێزانه‌كه‌یه‌تی، ته‌ماته و خه‌یار و میوه‌هاتی خۆی ئه‌فرۆشێت و به ئیحترام و رێزه‌وه، عاره‌قی ماندوبونی خۆی ده‌سڕێت و ئێواره (5 بۆ 10) هه‌زار دیناری په‌یداكردووه و ناهێڵێت ماڵ و منداڵی موحتاج ببن، هه‌موو كه‌س ده‌زانێت چی ده‌كات و چۆن په‌یدای ده‌كات و بۆ كێی په‌یدا ده‌كات... به‌ڵام ئه‌م سه‌ركرده‌یه‌ی ئێمه و یار و یاوه‌ره‌كانی میلله‌تێكیان له لوتكه‌ی غروره‌وه هێنایه‌وه بۆ سواڵكردن و قه‌رزكردن و ده‌ستكردن به گیرفانی به‌تاڵدا... له لوتكه‌ی ده‌وڵه‌مه‌ندیدا بانكه‌كانیان فه‌رهود كردین... هه‌موو ئاڵتونه ره‌شه‌كانیان دزی و ڕستێك و ئه‌ستونێك به‌ڵێنی درۆی بۆ به‌جێهێشتین.
ئه‌مه ئیتر وڵاته و موئه‌سه‌ساته و خه‌ڵكی ده‌وڵه‌تمه‌داری تێدایه...
بۆ زیاتر سه‌رئێشه، ئه‌مه ده‌قی وتاره‌كه‌یه:
http://cabinet.gov.krd/a/d.aspx?s=040000&l=13&a=51621
ليست هناك تعليقات:
إرسال تعليق